Raporto Abuzimet

Ujësjellës Kanalizime Tiranë, shpreh shqetësimin në lidhje me denoncimin publik të bërë ditën e djeshme në emisionin investigativ “Boom”, transmetuar në televizionin Ora News.
Institucioni ynë ka identifikuar personin e përfshirë në abuzimin e paligjshëm dhe ka nisur proçedurën e marrjes së të gjitha masave administrative parashikuar nga Kodi i Punës, për t’ia kaluar më tej institucioneve ligjore ndjekjen e çështjes.

UKT nuk do të tolerojë asnjë rast shpërdorimi të detyrës, abuzimi me pronën publike apo korrupsion të çdo lloji!

Ujësjellësi falenderon emisionin “Boom” si dhe të gjithë qytetarët që nuk pajtohen me paligjshmërinë dhe denoncojnë çdo rast të konstatuar. I kujtojmë çdo banori të kryeqytetit të na shkruajë në denonco@ukt.al apo të telefonojnë në numrin tonë të gjelbër 08004488 për çdo rast abuzimi apo korrupsioni, UKT do të konsiderojë me seriozitet maksimal çdo sinjalizim të kryer.

Faleminderit për mirëkuptimin!

NJOFTIM – Thatësira, moti i nxehtë dhe mungesa e reshjeve

Duke u nisur nga thatësira e zgjatur, moti i nxehtë dhe mungesa e reshjeve të shiut gjatë muajve të fundit, Ujësjellësi i Tiranës dëshiron të sjellë në vëmendjen e qytetarëve dhe të kërkojë mirëkuptimin e tyre për përdorimin me kursim dhe përgjegjësi qytetare të ujit të pijshëm.

UKT, në bashkëpunim edhe me Bashkinë e Tiranës, ka ngritur grupet e Task Forcës të cilët janë gjatë gjithë kohës në terren për të mos lejuar shpërdorimin pa kriter të ujit, si dhe për të marrë masat përkatëse për këdo që nuk respekton Kodin e Ujit. Duke qenë se shpërdorimi pa kriter i ujit të pijshëm ndikon në furnizimin normal në të gjithë rrjetin e shpërndarjes, çdo shkelje a shpërdorim i ujit do të ndëshkohet sipas ligjit.

Me këtë rast u bëjmë thirrje administratorëve të pallateve që të tregojnë një kujdes më të madh, të kontrollojnë vazhdimisht funksionimin normal të pompave dhe depozitave, për të mundësuar maksimumin e furnizimit me ujë të pijshëm, duke eliminuar çdo shpërdorim të mundshëm të tij.

Për disa zona të izoluara, të cilat janë edhe pika fundore e rrjetit të shpërndarjes të ujit, në të cilat mund të vërehen kufizime, Ujësjellësi i Tiranës ka marrë të gjitha masat, duke vënë në dispozicion botet e ujit në mënyrë periodike.

Gjithashtu, Ujësjellësi i Tiranës fton gjithë qytetarët që të telefonojnë në çdo kohë në numrin pa pagesë 0800 44 88 për të raportuar çdo rast ndërhyrje apo shpërdorimi të ujit të pijshëm nga persona të papërgjegjshëm.

Stafi ynë është i angazhuar maksimalisht për t’iu përgjigjur çdo kërkese të qytetarëve.

Riparim i linjës kryesore Laknas – Kodër Kamëz

Kolegët tanë të palodhur kanë punuar deri në orët e para të mëngjesit për të riparuar defektin e ndodhur në orët e vona të natës së djeshme, në linjën kryesore të transmetimit që lidh stacionin e pompimit Laknas me depon e Kodër Kamzës. Defekti ishte i vështirë, por falë ekspertizës dhe përkushtimi të secilit nga specialistët tanë u arrit që të riparohej me cilësi, dhe aktualisht situata e furnizimit me ujë në atë zonë eshtë normalizuar.

Falenderojmë banorët që sinjalizuan menjëherë në numrin tonë të gjelbër 08004488. Mos ngurroni të telefononi për çdo shqetësim apo informacion që ju duhet.

Njoftim

Ujësjellës Kanalizime Tiranë njofton se për shkak të një remonti në rrjetin shpërndarës, zona e Yzberisht, Unazës së Re dhe Misto Mames mund të kenë kufizime në furnizimin me ujë gjatë orëve të mbrëmjes së sotme.

Stafi ynë po punon intensivisht për të rikthyer situatën në normalitet furnizimin në këto zona.

Falenderojmë banorët për durimin!

Njoftim për shtyp

Ujësjellësi i Tiranës, njofton se për arsye të një defekti teknik në stacionin e pompimit në depon e Kombinatit, sot do të ketë kufizime të pjesshme gjatë orëve të drekës në zonën e Kombinatit, Kodër-Sharrës dhe Prush.

Sigurojmë qytetarët që stafi i UKT-së po punon intensivisht për të rikthyer në normalitet situatën e furnizimit me ujë në këtë zonë në një kohë sa më të shkurtër.

Falenderojmë banorët për mirëkuptimin!

Zyra e Shtypit
Ujësjellës Kanalizime Tiranë

22 Marsi, Dita Ndërkombëtare e Ujit

Prej 20 viteve e gjithë bota i ka rënë këmbanës së alarmit për rrezikun e shpërdorimit të një prej të mirave më të mëdha universale siç është uji.
Bota nisi të mendojë dhe të marrë disa vendime të rëndësishme për mjedisin dhe mbrojtjen e tij, që për shekuj ishin lënë pasdore.
Në vitin 1992, Organizata e Kombeve të Bashkuara, gjatë një konference të rëndësishme për mjedisin që u mbajt në Rio de Zhaneiro, vendosi që 22 Marsi të jetë DITA NDËRKOMBËTARE E UJIT.
Çdo 22 Mars, OKB fton vendet anëtare të saj që t’ja kushtojnë këtë ditë sensibilizimit por edhe veprimit për ruajtjen e begatisë më të madhe që njeriut i ka falur natyra – ujit.
Edhe në Shqipëri kjo datë ka hyrë si një traditë reflektimi dhe aktivizimi social mbi sensibilitetin për ruajtjen dhe administrimin e ujit.
Ky sensibilizim kryhet kryesisht nga shoqëria civile, ndërkohë që Ujësjellës Kanalizime Tiranë si një kompani që kujdeset dhe punon çdo ditë për të mirëadimistruar ujin dhe për ta ruajtur atë, punon vazhdimisht me shoqërinë civile dhe rininë që ta shtrijë dhe masivizojë këtë ndërgjegjësim.
I tillë ishte edhe aktiviteti që u zhvillua me një grup studentësh  të inxhinierisë hidroteknike.
Ky takim ishte një bisedë e hapur dhe vizita në liqenin e Bovillës dhe pikat e reja të UKT-së ku qytetarët marrin informacionin e duhur dhe gjithëpërfshirës.
U fol për procesin e trajtimit dhe shpërndarjes së ujit nga bovilla në të gjithë territorin e Tiranës së Madhe, por edhe për shërbimet e reja që ofron pika UKT për të ndihmuar qytetarët në çdo kohë dhe kudo që të kenë akses më të mirë dhe ta përdorin sa më me efikastitet këtë të mirë universale.
Uji është një gjë e çmuar që nuk e kanë të gjithë. Sipas të dhënave të OKB-së më shumë se 1 miliard njerëz në botë nuk kanë mundësinë që të kenë ujë të ëmbël.
Të gjitha vendet e botës kanë përcaktuar normativa të qarta ligjore për ruajtjen dhe përdorimin me kriter të ujit.
Harxhimi i ujit përbën një akt të domosdoshëm, por ne duhet të modifikojmë zakonet apo përditshmërinë tonë, madje edhe ato më të thjeshtat në mënyrë që të kemi kujdes në sasinë e ujit që përdorim.
Thelbi i gjithçkaje është që të përdorim sasinë e nevojshme dhe jo më shumë.

Tuneli në Dajt, një vepër e madhe hidro-energjitike

Tuneli në Dajt, një vepër e madhe hidro-energjitike, që garanton të ardhmen e Tiranës dhe aset për banorët e zonës!

Një nga projektet e mëdha të ndërmarra nga Ujësjellës Kanalizime Tiranë është ai i shfrytëzimit më të mirë të burimeve të Shën Mërisë, duke rritur kapacitetin e vetërrjedhjes, gjë që shton në sasi të konsiderueshme ujin për qytetarët, por edhe ujin që ushqen hidrocentralin e Lana Bregasit për të rritur sasinë e energjisë së prodhuar.

Ky investim hyn tek projektet strategjike që i shërbejnë së ardhmes, në mënyrë që t’i paraprihet rritjes së popullatës dhe shtimit të cilësisë së shërbimit.

”Projekti i ri i rikonceptimit të burimeve të Shën Mërisë është një ndërmarrje e madhe dhe ambicioze por dhe tepër e nevojshme duke parë situatën ekzistuese të kësaj linje, e cila është e amortizuar në disa pjesë dhe jo rentabël nga pikëpamja ekonomike.

Qëllimi i ndërtimit të këtij projekti është shfrytëzimi në kapacitet të plotë të burimeve të Shënmërisë dhe të mos përdoren vetëm prurjet e burimit të Selitës.

Ai synon që të shfrytëzojë burimet me anë të rrjedhjes së lirë dhe jo me anë të stacionit të pompimit të Qafë Mollës i cili kërkon shumë kosto në mirëmbajtje dhe në energji për pompat që kryejnë ngritjen mekanike të ujit deri në hyrje të tunelit ekzistues të Dajtit.

Është një projekt kompleks pasi përveç linjës së re të transmetimit po ndërtohet edhe një tunel për të kaluar Malin e Dajtit, gjithashtu do të ndërtohet një basen të ri presioni për rënien e ujit në HEC Lana Bregas.

Zona ku ndodhen 5 burimet e këtij ujësjellësi ndodhet në rrëze të Malit me Gropa në fshatin Shënmëri, këto burime janë karstike. Ato  merren nëpërmjet kaptazheve tipe galeri dhe në linja të veçanta futen në Depon grumbulluese, katër prej këtyre burimeve mblidhen në depo në kuotë 809.00 m ndërsa burimi i pestë futet direkt në tubin e trasmetimit për në Qafë Mollë.

Zona që duhet të përshkojë linja e transmetimit të ujësjellësit fillon nga kuota +809 m më pas zbret në kuotën e +420 m pranë luginës në afërsi të Domjes dhe më tej në ngjitje do të duhet të kapërcejë masivin e malit të Dajtit për të zbritur sërish në kuotën e +320 m që është edhe kuota e H/C të Lanabregasit

Përdorimi i ujërave nëntokësore të malit të Dajtit nuk është intensiv, vetëm burimet e mëdha dhe të vogla të Bovillës janë përfshirë, me rrjedhje të lire, në furnizimin me ujë të Tiranës që nga viti 1974.

Ujësjellësi i Tiranës nga burimet e Shën-Merise përfiton vetëm sasinë e ujit pa të ardhura ekstra. Që janë të ardhura nga prodhimi i shtuar i energjisë në HEC Lana Bregas por edhe ulja e kostove nëpërmjet mirëmbajtjes së stacioneve të pompimit.

Gjithashtu linja ekzistuese nuk ka kapacitet të mjaftueshëm për të transmetuar të gjithë sasinë e ujit që prodhohet nga burimet e Shën Mërisë. Aktualisht kapaciteti makimal i linjës ekzistuese është rreth 650 litra për sekondë. Në situatën e sotme uji i Shënmërisë përdoret në varësi të prurjeve që ka Selita, duke qenë se prurjet e burimeve janë variabël gjatë vitit.

Në rastet kur ulen prurjet nga Burimet e Selitës rritet sasia e pompuar e ujit që vjen nga Shënmëria në mënyrë që të balancohet kërkesa për ujë, por duke rritur në mënyrë të drejtpërdrejtë kostot e operimit. Kurse projekti i ri rrit në mënyrë të ndjeshme të gjitha parametrat dhe ul kostot.

Ujë-matësi çelësi juaj i sigurisë!

Pajisja me një të tillë siguron që të faturoheni vetëm për sasinë e konsumuar të ujit dhe për asnjë pikë më tepër.

Çdo konsumator duhet të kujdeset që të jetë i pajisur me një ujë-matës brenda kushteve teknike. Proçesi i kolaudimit është çertifikata juaj e cilësisë.

Ju mund të kontrolloni sasinë e konsumuar të ujit të shprehur në faturën e muajit, duke e krahasuar atë me sasinë e regjistruar në ujëmatësin tuaj.

Për çdo dyshim që mund të keni mbi mirë-funksionimin e ujëmatësit tuaj mund të drejtoheni në pikën më të afërt UKT për të bërë një kërkesë për “Verifikim Ujëmatësi”, brenda pak ditësh stafi i Ujësjellësit do të kryejë verifikimin në vend.

Nëse keni një kontratë uji me UKT por ende nuk keni një ujëmatës, aplikoni për një të tillë pranë Pikës UKT më të afërt duke paraqitur dokumentacionin e mëposhtëm:

  • Librezë Uji ose kopje të faturës së ujit
  • ID
  • Pagesa pranë arkës e tarifës, ose  me faturën e muajit pasardhës

Ujëmatësi i pakolauduar nga subjekti i liçensuar për këtë proçes, është i pavlefshëm, dhe konsiderohet i parregullt.

UKT kryen verifikime dhe kontrolle periodike të ujëmatësave të vendosur në objektin tuaj. Në rastet kur nga procesi i kolaudimit rezulton se  aparati i ujëmatësit është jo funksional, konsumatori njoftohet dhe procedura e ndërrimit të aparatit ujëmatësit kryhet nga punonjësit e UKT-së. Në bazë të vendimit të Entit Rregullator të Ujit, vlera e ujëmatësit paguhet nga konsumatori i cili është edhe pronar i tij, kjo vlerë mund të  tarifohet edhe në faturën e muajit pasardhës.

Është e përcaktuar në ligj se çdo ujë matës duhet të ndërrohet çdo  7 deri në 10 vjet, ai kolaudohet sa herë që konsumatori apo verifikuesi i ujësjellësit kanë dyshime mbi funksionimin e tij, ose në çdo 60 muaj.

Në vendimin nr. 1304, dt. 11.12.2009 të Këshillit të Ministrave, është përcaktuar qartë që:

“Objektet do të projektohen detyrimisht me instalimtë brendshme të ujit të pijshëm përfshirë ujëmatësit. Ujëmatësit duhet të vendosen në vende të dukshme dhtë sigurta  duhet të aprovohen nga UKT Sh.a.”

“Në çdo pikë lidhjeje duhet të instalohet ujëmatës  lejon të regjistrohet e gjithë sasia e ujit të konsumuar  objekt. Rekomandohet vendimmarrja për ujëmatësit, te jete ne përputhje mrekomandimet qe kemi me Bashkëpunimin Ligjor Europian te Metrologjisë, përmes Direktivës së rEuropiane “Për Instrumentet Matës 75/33 EC.”

“UKT Sh.a. përcakton tipin, madhësinë, vendosjen, instalimin, mbikëqyrjen teknikevendësimin dhe 

heqjen e matësit të ujit. Për godinat shumëkatëshe kërkohet vendosja e matësve të ujit të grupuar në katin përdhe dhe në një vend të mbrojtur që lejon një lexim të lehtë të tyrnga stafi i shoqërisë, i cili është i ngarkuar me faturimin ose mirëmbajtjen.

Kufizime të furnizimit më ujë të pijshëm

KANALIZIME-FOTO

Ujësjellësi i Tiranës, njofton se për arsye të një defekti në rrjetin OSHEE-së, në stacionet e pompimit në Bërxull, Laknas dhe pranë Coca Colës mungon energjia elektrike. Për këtë arsye do të ketë kufizime të furnizimit më ujë të pijshëm në zonën e Yzberishtit, Kodër Kamëz, rr. Dytësore në Autostradën Tiranë-Durrës, Fushë-Mëzes, fshatrat Bërxull, Domje dhe Laknas.

Stafi i OSHEE-së dhe UKT-së janë të impenjuar maksimalisht për rikthimin e situatës në normalitet.

UKT merr përsipër rinovimin e matësve të dëmtuar nga ngrica

Ujësjellës Kanalizime Tiranë ka konstatuar se një pjesë e matësve të ujit në lidhjet me abonentët janë dëmtuar si pasojë e ngricës, dhe temperaturave shumë të ulëta.

Nisur nga kjo situatë emegjence, UKT ka vendosur që të gjithë këto dëme të shkaktuara nga moti i pazakontë, të zgjidhen duke zëvendësuar apo rinovuar të gjithë matësat e dëmtuar nga ngrica.

Tashmë ka nisur procesi për të evidentuar të gjitha dëmtimet e matësve të ujit në të gjithë territorin e Tiranës që janë shkaktuar nga i ftohti.

UKT fton të gjithë qytetarët që të telefonojnë në numrin e gjelbër që është në funksion 24 orë 0800 44 88 për të raportuar çdo rast të ngjashëm.

Pjesë e kësaj fushate janë të gjitha rastet e dëmtimeve nga temperaturat e ulëta dhe ngrica, të sinjalizuara brenda 5 ditësh në njësinë përkatëse të Ujësjellësit.